“Obod mahalla” davlat dasturi doirasida bajarilayotgan ishlarga bag‘ishlangan yig‘ilish bo‘lib o‘tdi
2026-10-26 15:40:00 / Vazirlik yangiliklar
Toshkent shahar Qurilish bosh boshqarmasida Yangi Toshkent hududidan ajratilgan yer maydonlarida amalga oshirilishi rejalashtirilgan loyihalar hamda “Obod mahalla” davlat dasturi doirasida bajarilayotgan ishlarga bag‘ishlangan yig‘ilish bo‘lib o‘tdi.
Unda dastur doirasida amalga oshiriladigan ishlar, loyihaoldi hujjatlarini ishlab chiqishdagi talablar va Yangi Toshkentda ajratilgan hududlarda loyihalarni amalga oshirish, me'moriy yechimlar va kelgusidagi masalalar ko‘rib chiqildi.
Dastavval tuman qurilish bo‘limlari mutaxassislari tomonidan bugungi kunga qadar amalga oshirilgan ishlar yuzasidan axborotlar berildi. Xususan, hududlardagi ko‘p qavatli uylar va xonadonlarning joylashuvi, ijtimoiy soha obyektlari, yashil maydonlar hamda tuman infratuzilmasining holatini o‘rganish bo‘yicha olib borilayotgan ishlar ko‘rib chiqildi.
Shuningdek, mahallalarda dastur doirasida tayyorlanadigan loyihalarning Toshkent shahri bosh rejasiga muvofiqligiga alohida e'tibor qaratilishi, yashil hududlarni ko‘paytirish, ko‘chalar va yo‘l infratuzilmasini yaxshilash zarurligi ham ta'kidlab o‘tildi hamda bildirilgan taklif va mulohazalar tahlil qilindi.
Yig‘ilish yakunida mas'ullarga ishlarni o‘z vaqtida va sifatli bajarish, hududlarni hamkor tashkilotlar bilan birgalikda atroflicha o‘rganish hamda qarorlarni o‘zaro kelishuv asosida ishlab chiqish yuzasidan ko‘rsatmalar berildi.