Qoraqalpogʻiston Respublikasi IIV rahbariyati tomonidan kuz-qish mavsumiga tayyorgarlik va yoqilgʻi mahsulotlari taʼminoti nazoratga olindi
2026-11-05 10:00:00 / Yangiliklar
Qoraqalpogʻiston Respublikasi Ichki ishlar vaziri, polkovnik Baxtiyar Torebekov tomonidan respublika hududlarida kuz-qish mavsumiga tayyorgarlik holati, belgilangan tadbirlarning bajarilishi va yoqilgʻi mahsulotlari taʼminoti bilan bogʻliq masalalar joylarga chiqqan holda oʻrganildi.
Oʻrganishlar davomida yoqilgʻi mahsulotlarining maqsadli taqsimlanishi, ularning noqonuniy aylanishiga yoʻl qoʻymaslik va huquqbuzarliklarning oldini olish boʻyicha amalga oshirilayotgan ishlar muhokama qilindi.
Shuningdek, kuz-qish mavsumiga tayyorgarlik boʻyicha belgilangan chora-tadbirlarni oʻz vaqtida va sifatli bajarish, masʼul shaxslarning javobgarligini oshirish hamda aniqlangan kamchiliklarni tezkorlik bilan bartaraf etish zarurligi taʼkidlandi.
Oʻrganishlar jarayonida aholi va ijtimoiy soha obyektlarining yoqilgʻi mahsulotlariga boʻlgan ehtiyojini uzluksiz taʼminlash, mavjud resurslardan oqilona va samarali foydalanish masalalariga ham alohida eʼtibor qaratildi.
Masʼul xodimlarga taʼminot jarayonida belgilangan tartib va meʼyorlarga qatʼiy rioya qilish, aholi murojaatlarini oʻz vaqtida koʻrib chiqish hamda yuzaga kelishi mumkin boʻlgan muammolarni tezkor bartaraf etish boʻyicha vazifalar belgilab berildi.
Ayniqsa, yoqilgʻi mahsulotlarining belgilangan manzillarga toʻliq va oʻz vaqtida yetkazib berilishi, ularning saqlanishi hamda taqsimlanishida qonuniylik va shaffoflikni taʼminlash zarurligi taʼkidlandi.
Shu bilan birga, yoqilgʻi resurslarining talon-toroj qilinishi, noqonuniy sotilishi yoki boshqa maqsadlarda foydalanilishiga yoʻl qoʻymaslik, bunday holatlarning oldini olish boʻyicha profilaktik choralarni kuchaytirish yuzasidan tegishli koʻrsatmalar berildi.
Masʼullarga yoqilgʻi mahsulotlarining maqsadli taqsimlanishi ustidan nazoratni kuchaytirish, qonuniylikni taʼminlash, yoqilgʻi resurslarining noqonuniy aylanmasiga chek qoʻyish hamda aholini yoqilgʻi mahsulotlari bilan barqaror taʼminlash yuzasidan tegishli koʻrsatmalar berildi.
Qoraqalpogʻiston Respublikasi hududlarida kuz-qish mavsumiga tayyorgarlik, yoqilgʻi mahsulotlari taʼminoti va ularning maqsadli taqsimlanishi ustidan nazorat tadbirlari respublika IIV rahbariyati tomonidan belgilangan vazifalar ijrosini taʼminlash maqsadida izchil davom ettirilmoqda.
Qoraqalpogʻiston Respublikasi IIV Axborot xizmati