Sirdaryo viloyati IIB rahbariyati tomonidan yoshlar oʻrtasida giyohvandlik va psixotrop moddalar tarqalishining oldini olish hamda fuqarolarni kiberjinoyatlardan himoya qilish borasida amalga oshirilayotgan ishlar muhokama qilindi
2026-10-10 09:00:00 / Yangiliklar
Sirdaryo viloyati ichki ishlar boshqarmasida boshqarma boshligʻi, polkovnik Sardor Mirzaraimov rahbarligida yigʻilish boʻlib oʻtdi.Unda boshqarma boshligʻining oʻrinbosarlari hamda sohaviy xizmatlar rahbarlari ishtirok etdi.
Yigʻilish kun tartibida yoshlar oʻrtasida giyohvandlik va psixotrop moddalarning tarqalishiga qarshi kurashish, shuningdek, fuqarolarni kiberjinoyatlardan himoya qilish borasida amalga oshirilayotgan ishlar muhokama etildi.
Dastlab, joriy yilning 1-oktyabridan 1-noyabriga qadar mamlakatimiz boʻylab oʻtkazilishi belgilangan «Yoshlar orasida giyohvandlik va psixotrop moddalarning tarqalishiga qarshi kurashish» kompleks tezkor-profilaktik tadbiri doirasida shu kunga qadar amalga oshirilgan ishlar tahlil qilindi.
Xususan, yoshlar oʻrtasida giyohvandlikning oldini olish, huquqbuzarliklarni barvaqt aniqlash, profilaktik nazorat tadbirlarini samarali tashkil etish hamda targʻibot ishlarini kuchaytirish masalalariga alohida eʼtibor qaratildi.
Shuningdek, yigʻilishda «APK Qoʻriqchi» mobil ilovasini aholi oʻrtasida keng targʻib qilish, uning imkoniyatlari haqida fuqarolarga batafsil maʼlumot berish hamda kiberxavfsizlikka oid ogohlikni oshirish boʻyicha amalga oshirilayotgan ishlar koʻrib chiqildi.
Yigʻilish yakunida muhokama etilgan masalalar yuzasidan tegishli masʼullarga profilaktik tadbirlar samaradorligini oshirish, yoshlar oʻrtasida giyohvandlikning oldini olishga qaratilgan ishlarni izchil davom ettirish hamda fuqarolarni kiberjinoyatlardan himoya qilish borasidagi targʻibot tadbirlarini yanada kuchaytirish boʻyicha tegishli vazifalar belgilab berildi.
Sirdaryo viloyati IIB Axborot xizmati